Оҕолор аҕаларын кытта муҥхаҕа
Алтынньы 25 күнүгэр "Уруттаах" диэн күөлгэ оскуола үөрэнээччилэрэ аҕаларын кытары муҥхаҕа тахсан балыктаан кэллилэр.
"Уруттаахха" буолбут муҥханы салайан илдьэ сырыттылар "Аҕа сүбэ" салайааччыта, Чыамайыкы нэһилиэгин баһылыгын солбуйааччыта Егор Михайлович Прокопьев уонна нэһилиэк ытыктанар кырдьаҕаһа Егор Егорович Семенов.
Быйылгы 2015 - 2016 үөрэх дьылыгар "Аҕа сүбэ" мунньаҕар уол оҕону төрүт үгэһинэн иитиигэ үлэни күүскэ ыытыаххайын диэн этии киирбитэ. Онон сиэттэрэн бу муҥха былааҥҥа киирэн ыытылынна, аны хас сылын ахсын "Уруттаах муҥхата" диэн аҕалар оҕолорун кытары муҥхаҕа тахсан бииргэ алтыһыыларын биир көрүҥэ буолуоҕа.